عن موضوع ال100 نقطه

بالنسبه للسحب بديل هدايا الـ 100 نقطه

نوضح فيه كام جزئيه

** السحب دا معناه
ان كل فاتوره هتتعمل ب 100 نقطه عالاقل في شهر ديسمبر هتدخل السحب في نهاية الشهر
يعني فاتوره بـ 100 نقطه زي فاتوره بألف نقطه المهم متقلش عن 100 نقطه

** جوايز السحب 3 هدايا بس لكل فرع
يعني 3 فواتير بس في كل فرع اللي هيكسبو

** فيه أعضاء كتير بتقول انه هيكون مجامله لليدرات ودي فايده ليهم علشان يحرقو والكلام دا

طيب ليه الليدر وممكن عضو ميعملش غير 100 نقطه وهو اللي يكسبه

طيب ايه أكدلك انه هيكون فيها مجاملات واعتقد انه في الغالب ان السحب هيتم في قسم المعلومات بادارة الشركه بعيدا عن الفروع ويتم ابلاغ الفروع بالنتائج فقط

طيب ولو فها مجاملات هيجامل مين ولا مين وكل الحكايه 3 بس اللي هيكسبو

وكمان دي حاجه المفترض تقلل الحرق مش تزوده

** طيب رأينا الشخصي في السحب دا

انه نظام سيئ جدا ولا يصلح للشغل وكان أولي يتقال ان الهدايا اتلغت وخلاص

لسببين :

الاول : ان لو الهدايا تلاجه وبوتجاز وغساله زي ما اتقال
فليه ادي لعضو هديه بمئات واحرم غيره ؟؟
المفترض ان سياسة الشركه تحقيق العداله في الفائده

الثاني : ان ممكن عضو يدخل الشهر دا يعمل 100 نقطه بس ويكسب بيها تلاجه مثلا وبعد كدا ميعملش ولا نقطه ابدا

ودي حصلت معانا ان عضوه سجلت وعملت اول فاتوره ب 250 نقطه أخدت تنشيط طقم كاسات علي 200 نقطه ودخلت السحب علي 250 نقطه وكسبت التليفزيون
قولنا دي هتفرح وهتستمر في الشغل وكلام من دا
وسبحان الله كانت اول وآخر فاتوره وكسبت بيها طقم كاسات وتليفزيون

فإزاي ممكن يحصل كلام زي دا ان عضو تاريخه 100 نقطه في الشركه يكسب هديه بالشكل دا وعضو تاني مستمر ببرنامج علي الاقل كل شهر ويتفرج